苏诺之音 Suno AI返回
ھايات ھەقىقىتى
▶播放
歌词
توخۇنىڭ قوندىقى ئۆزىگە لايىق ،
بۈركۈتلەر سامادا قىلىدۇ پەرۋاز .
شۇنچە كەڭ يولدىمۇ يىقىلىدۇ مەست ،
بىر تال يىپ ئۈستىدە ماڭىدۇ دارۋاز .
قاغىنىڭ ئاۋازى يەتمەس بۇلبۇلغا ،
ئېشەكنىڭ مېڭىشى يەتمەس دۇلدۇلغا .
مۈشۈكلەر يولۋاستەك بولالماس مەڭگۈ ،
ھەر شەيئى چىقىدۇ مۇناسىپ رولغا .
قاۋىسۇن دەپ باقار ئىتنى خوجايىن ،
ۋە لېكىن كارۋاننىڭ پەرۋايى پەلەك.
يول تېپىپ ماڭىدۇ ئاقىللار تىمتاس ،
غەيۋەتخور گەپ تېپىپ غاجاشتا ھەلەك .
ئېشەككە بەرىبىر چىقمايدۇ مۈڭگۈز ،
ھاڭراشتا ئىچىنى بوشىتار پەقەت .
شەرقتىن چىقىدۇ قۇياش ئەزەلدىن ،
پەرق ئەت ئەي كۆڭلۈم بۇ بىر ھەقىقەت .